வேலூரை சேர்ந்த Patls Pharma என்ற நிறுவனம் அம்மு ஹேர் டானிக் என்ற கூந்தல் தைலத்தை பல ஆண்டுகால ஆராய்ச்சிக்கு பிறகு கண்டுபிடித்து தயாரித்துள்ளது. கூந்தல் தொடர்பான அனைத்து பிரச்சனைகளுக்கும் தீர்வு காணும் இந்த ஹேர் டானிக்கின் அறிமுக விழா சென்னையில் உள்ள நட்சத்திர ஹோட்டல் ஒன்றில் சமீபத்தில் நடந்தது.
விழாவின் சிறப்பு விருந்தினர் கவர்ச்சி புயல் நமீதாதான். வழக்கம்போலவே சிக்கென்ற உடையில் வந்த நமீதாவை பொய்த்த கண்கள் பல. முதல் விற்பனையை அம்மு ஹேர் டானிக் நிர்வாக இயக்குனர் சரவணமூர்த்தி துவக்கி வைக்க, முதல் பாட்டிலை போனி செய்தது நமீதாவின் கைராசி கரங்கள்.
இதனைத்தொடர்ந்து மைக்கை பிடித்து பேச ஆரம்பித்த நமீதா, கைத்தேர்ந்த சித்த வைத்தியர்போல டிப்ஸ் கொடுக்க ஆரம்பித்தார்.
"இன்றைய சுற்றுசூழலில் நம் மேனி பல்வேறு பாதிப்புகளுக்கும் உள்ளாகிறது. இதில் குறிப்பாக அதிகம் பாதிக்கப்படுவது தலைமுடிதான். தினமும் நாம் ஷாம்ப் போட்டு குளிப்பதுமட்டுமே தலைமுடிக்கு பாதுகாப்பு என்று சொல்லிவிட முடியாது. அம்மு ஹேர் டானிக் போன்ற மூலிகை தைலத்தால் மட்டுமே தலைமுடி உதிர்வது போன்ற பல்வேறு பிரச்சனைகளை தீர்க்க முடியும்" என ஆலோசனைகளை வழங்க, பார்வையாளர்கள் பக்கமிருந்து 'டாக்டர் நமீதா வாழ்க' என்ற குரல் கொடுத்தார் குசும்பு வாலிபர் ஒருவர்.
|
