புரட்சி தமிழன், புரட்சி கலைஞர் வரிசையில் விஷாலும் புரட்சி தளபதி என தனக்குத்தானே பட்டம் சூட்டிக் கொண்டார். பரத் வைத்துக் கொண்டது சின்ன தளபதி. இந்த இருவர் வைத்த பட்டங்களும் அரசியல் தளபதி தரப்பையும், இளைய தளபதி தரப்பையும் சூடாக்கின.
இந்த பட்டம் மோகம் காமெடி நடிகர்களையும் விடவில்லை. ஆளுக்கு அரைடஜன் பட்டங்கள் இருந்தாலும் புதிது புதிதாக பெயருக்குமுன் சேர்த்துக் கொண்டிருக்கிறார்கள்.
'லொடுக்கு' கருணாசின் பெயர் 'சாது மிரண்டா' படத்துக்குப் பிறகு காமெடி கிங் கருணாஸ் என மாறுகிறது. வடிவேலு தனது வைகைப்புயல் பட்டத்துடன் நகைச்சுவை திலகம் பட்டத்தையும் சேர்த்துக் கொண்டுள்ளார்.
இது நடிகர் திலகம் சிவாஜி மற்றும் மக்கள் திலகம் எம்.ஜி.ஆர். ரசிகர்களை கோபப்படுத்தியுள்ளது. மிகப்பெரிய ஜாம்பவான்களான அவர்களின் பட்டத்தில் பாதியை தனது பெயருக்கு முன்னால் வைக்க வடிவேலுக்கு எந்த தகுதியும் இல்லையென கொதித்துக் கொண்டிருக்கின்றனர். ரசிகர்கள் ஒன்று கூடி தீர்மானம் போட்டு வைகைப் புயலுக்கு கண்டனம் தெரிவிக்கும் வேலையும் நடந்து வருகிறது.
|
