என்றும் மார்க்கண்டேயன் வரிசையில் முரளியையும் தாராளமாக வைக்கலாம். முதல் படத்தில் பார்த்ததிலிருந்து அப்படியொன்றும் பெரிய மாற்றமில்லை இவரிடம்.
ஆனால், பட வாய்ப்பு? அது காவிரி டெல்டாவாக ஒரேயடியாக வற்றிப் போய்விட்டது. வானம் பார்த்து கிடந்த முரளியின் சினிமா கேரியரில் கோடை மழை!
ரவி ராஜா இயக்கும் 'எங்க ராசி நல்ல ராசி' யில் இரண்டு ஹீரோக்களில் ஒருவராக நடிக்கிறார். இந்தப் படத்தின் ராசியா தெரியவில்லை. அடுத்தப்படம் ஒன்றும் முரளிக்கு கிடைத்திருக்கிறது. இதில் அப்பா, மகன் என்று இரண்டு வேடங்கள். மகனுக்கு விசாலினி என்ற புதுமுகம் ஜோடி. அண்ணன் தங்கை பாசத்தை சொல்லும் இந்தப் படத்தில் முரளியின் தங்கையாக அக்ஷ்யா நடிக்கிறார். படத்துக்கு பெயர் 'மறு அவதாரம்'.
முரளிக்கு ஏற்ற பெயர்!
|
