By: Amalan
85-ல் கலையுலகில் காலடி வைத்த சரத் சரசரவென முன்னேறி 2005-ல் சதமடித்துள்ளார். அவரது 100-வது படம் 'தலைமகன்'. தயாரிப்பது ராதிகாவின் ராடான் மீடியா.

Hotnews!

முரளி- விஷ்வாவின் 'எங்க ராசி நல்ல ராசி' ஈழத்தமிழர்களின் கதையை படமெடுப்பேன் : அமீர் உறுதி மதுரையில் குறும்பட - ஆவணப்பட பயிற்சி பட்டறை ரோபோ சிக்கல் தீர்ந்தது ஷெரினுக்கு கல்தா நிக்கோல் சமாதானம் அய்யனார் சிலை முன் ஆட்டம் போட்ட ஜோடிகள் வில்லு- கிளாமர் நயன் அமீர் - சொன்னது சரிதானா? சூர்யா-சிம்ரன் பாடல் காட்சி தசாவதாரம் - 31 நாள் ஏழரை கோடி வசூல் குசேலனுக்கு வித்தியாச விளம்பரம் பெரும்புயலை கிளப்பும் 'இளம்புயல்' : இயக்குனர் நம்பிக்கை more...

நூறாவது படம் என்பதால் தொடக்கவிழாவிற்கு அனைவரையும் அழைத்திருந்தார் சரத்குமார். விழா நடந்த கிண்டி லீ மெரிடியன் ஹோட்டல் திருவிழா கோலம் பூண்டிருந்தது.

ஹோட்டலின் முகப்பிலும் வழியிலும் சரத்தின் ரசிகர் மன்ற கொடி வரிசையாக காற்றில் பறந்துகொண்டிருந்தது. கறுப்பு சிகப்பில் இருந்த கொடியின் நடுவில் உழைப்பாளர் சின்னம் பளிச்சிட்டது.

சரியாக... என்பது தவறாகாமல் அழைப்பிதழலில் போட்டிருந்தபடியே காலை 9.00 மணிக்கெல்லாம் விழா தொடங்கியது. சரத்தை வைத்து படம் எடுத்த தயாரிப்பாளர்கள், இயக்குனர்கள், சக நடிகர் - நடிகைகள் என திரையுலகமே திரண்டுவந்து வாழ்த்தியது.

வித்தியாசமாக இருக்கவேண்டும் என்பதற்காக தன்னை வாழ்த்த வந்தவர்களுக்கு பொன்னாடை போர்த்தி வரவேற்றார் சரத். அருகிலேயே பட்டுப்புடவை பளபளக்க பொங்கிய புன்னகை மாறாமல் விஐபிகளை வரவேற்றார் ராதிகா.

வித்தியாசமான நடன நிகழ்ச்சியுடன் தொடங்கிய விழாவில் சரத் நடித்த படங்களின் தொகுப்பு திரையில் ஒளிபரப்பப்பட்டது. அதனைத்தொடர்ந்து 'தலைமகன்' டிரைலருடன் அப்படத்தின் தொடக்க விழா நடந்தது.

அதன் பின்னர், படத்தின் தயாரிப்பாளர் ராதிகா, இயக்குனர் பாலாஜி, திரைக்கதை எழுதும் சேரன், நாயகன் சரத், நாயகி நயன்தாரா, கவிஞர் வாலி, இயக்குநர் கே.எஸ். ரவிக்குமார், தயாரிப்பாளர் ஆர்.பி.சௌத்ரி, நடிகர்கள் கார்த்திக், வடிவேலு என பலரும் மேடைக்கு வந்தனர்.

அப்போது நடிகர் கார்த்திக் பேசியதாவது:-

"சரத் எனது நண்பன் என்று சொல்வதைவிட எனது முதலாளி என்றுதான் சொல்லவேண்டும். அவர் முதன் முதலில் தயாரித்த 'கண் சிமிட்டும் நேரம்' படத்தில் நாயகனாக நடித்ததிலிருந்து கடந்த இருபது வருடமாக அவருடன் பழகிவருகிறேன்.

சரத் நல்ல நடிகர் மட்டுமல்ல நல்ல மனிதரும்கூட. அவர் என்ன நினைத்தாலும் அது நடக்கும். இதைவிட ஒரு பெரிய வேலை அவருக்கு இருக்கிறது. அந்த காரியத்திலும் அவர் வெற்றி பெறுவார். அந்த காரியம் என்ன என்பதை 'தலைமகன்' வெற்றிவிழாவில் சொல்வேன்"" என்றபோது ஹோட்டலின் வெளியே பறந்த ரசிகர்மன்ற கொடி ஞாபகத்திற்கு வந்தது.

வைரமுத்து தனது வாழ்த்துரையில், "பெரியாரின் தலைமகன் அண்ணாவின் பிறந்த நாளான இன்று கலைஞரின் இளைய மகன் சரத் 100-வது படத்தை தொடங்கியுள்ளார். புஜ பலத்தை காட்டும் நடிகர்களுக்கு மத்தியில் நிஜ பலத்தை காட்டி நடிப்பவர் சரத். உடம்பு - மனசு இரண்டையும் தனது கட்டுப்பாட்டில் வைத்திருக்கும் சரத் இருநூறாவது படவிழாவும் காண்பார்" என்றார்.

ஆர்.பி.சௌத்ரி, கே.எஸ். ரவிக்குமார் சேரன் என அனைவரும் வாழ்த்தி முடித்ததும் சரத்தின் 100-வது படத்தை முன்னிட்டு சிறப்பு மலர் ஒன்று வெளியிடப்பட்டது.