முதல்வர் ஆர்வம் காட்டும் சூர்யாவின் குறும்படம்
- 16.05.2008
By JBR
கடந்த 28 வருடங்களாக சிவகுமார் கல்வி அறக்கட்டளை மூலம், குழந்தைகளின் படிப்புக்கு உதவி செய்து வருகிறார் நடிகர் சிவகுமார். உதவி விஷயத்தில் தந்தை எட்டடி என்றால் மகன் சூர்யா பதினாறு அடி!
|
|
|
சூர்யாவின் அகரம் பவுண்டேஷன் கல்வி விழிப்புணர்வு குறும்படம் ஒன்றை எடுத்துள்ளது. பாதியில் பள்ளிப்படிப்பை கை விடும் குழந்தைகளைப் பற்றி அந்த குறும்படத்தின் பெயர் 'ஹீரோவா ஜீரோவா'!
சூர்யா, மாதவன், விஜய், ஜோதிகா ஆகியோர் இதில் நடித்துள்ளனர். கே.வி.ஆனந்த் இலவசமாக இதற்கு ஒளிப்பதிவு செய்துள்ளார். எடிட்டர் ஸ்ரீதர் பிரசாத், இசையமைப்பாளர் ஹாரிஸ் ஜெயராஜ், படத்தை இயக்கிய வி.ப்ரியா என யாருமே பணம் வாங்கவில்லையாம்.
நேற்று நடந்த குறும்பட அறிமுக விழா பத்திரிகையாளர் சந்திப்பில் சூர்யா, மாதவன், சிவகுமார், தமிழக பள்ளிக் கல்வி அமைச்சர் தங்கம் தென்னரசு ஆகியோர் கலந்து கொண்டனர்.
முதல்வர் கருணாநிதி இந்த குறும்படம் மீது ஆர்வமாக இருப்பதாகவும், திரையரங்குகள், பொருட்காட்சிகள் உள்ளிட்ட வாய்ப்புள்ள அனைத்து இடங்களிலும் திரையிட்டு குறும்படத்தை மக்களிடம் எடுத்துச் செல்ல இருப்பதாக அவர் குறிப்பிட்டார்.
இன்று முதல் திரையரங்குகளில் இந்த குறும்படம் திரையிடப்படுகிறது.
|
