ஹாலிவுட் டென்சில் வாஷிங்டன், ஏஞ்சலினா ஜோலி நடித்த 'Bone Collector' போன்ற சீரியல் கில்லரை ட்ரேஸ் செய்யும் படமாம் 'வேட்டையாடு விளையாடு'. "பொதுவாக தனது படங்களில் சின்னதாக கெட்டப் மாற்றுவார் கமல். இந்தப் படத்தை பொறுத்துவரை கமல் கமலாகவே அவருக்கேயுரிய மேனரிஸங்களோடு நடித்திருக்கிறார்." கௌதமின் இதே வார்த்தைகளை வேறுவிதமாக சொல்கிறார் ரவிவர்மன். "துளி மிகையில்லாத நடிப்பை தந்திருக்கிறார் கமல். அதை அப்படியே படம்பிடிப்பதுதான் என் வேலை."
ஆழ்கடலில் அபாயகரமான முறையில் சண்டைக்காட்சிகளை படம்பிடித்திருக்கிறது வே.வி. டீம். இந்தப் படத்தில் கமலுக்கு இன்னொரு ஜோடியும் உண்டாம். அசின், நயன்தாரா என்று துவங்கிய இந்தப் பேச்சுக்கு இப்பொழுது முற்றுப்புள்ளி வைத்திருப்பவர் கமாலினி முகர்ஜி! இந்த பெங்கால் குதிரையின் பூர்வீக களம் நாடகம். இவரை சினிமாவில் அறிமுகப்படுத்தியவர் நம்மூர் ரேவதி.
இவர் சல்மான்கான், ஷில்பா ஷெட்டி ஆகியோரை வைத்து இயக்கிய 'பிர் மிலேங்கே' படம்தான் கமாலினியின் முதல்படம். "தெலுங்கில் 'ஆனந்த்' படத்தில் நடித்ததை தொடர்ந்து ஆந்திராவே என் பெயர் சொன்னால் அலறுகிறது. கமல் படத்தில் நடித்த பிறகு தமிழ் நாடெங்கும் நம்ம கொடிதான்!" நம்பிக்கையுடன் பேசுகிறார் கமாலினி!
|
