ஒளிப்பதிவாளர் ராஜசேகர் இயக்கத்தில் நயன்தாரா!
- 19.07.2007
By JBR
சிறந்த ஒளிப்பதிவாளர்கள் எல்லாம் விரைவாக இயக்குனர்களாகி வருகிறார்கள். பி.சி. ஸ்ரீராம், சந்தோஷ்சிவன், ராஜீவ் மேனன், மறைந்த ஒளிப்பதிவாளர் ஜீவா, கே.வி. ஆனந்த் என்ற முற்றுப் பெறாத வரிசையில் ஒளிப்பதிவாளர் ராஜசேகரும் இணைகிறார்.
|
|
|
இவர் இயக்குனராகும் முதல் படத்தில் அசின், நயன்தாரா இருவரும் நடிப்பதாக சொல்லப்பட்டது. இதில் பாதியளவே உண்மை. அதாவது அசின் நடிக்கவில்லை, நயன்தாரா மட்டுமே நடிக்கிறார்.
நயன்தாராவை வைத்து ராஜசேகர் இயக்கும் படத்தின் பெயர் 'சத்யம்.' இதே பெயரில் விஷால் போலீஸ் அதிகாரியாக ஒரு படத்தில் நடிக்கிறாரே என குழப்பமாக இருக்கும். உண்மையில் எந்த குழப்பமும் இல்லை. விஷால் நடிக்கும் சத்யமும் ராஜசேகர் இயக்கும் சத்யமும் ஒன்று, வெவ்வேறல்ல.
முதலில் இந்தப் படத்தை அறிமுக இயக்குனர் ஒருவர் இயக்குவதாக இருந்தது. இப்போது அவருக்கு பதில் டிரைவிங் சீட்டில் ராஜசேகர் உட்கார்ந்திருக்கிறார்.
'சண்டைக்கோழி'யை தயாரித்த விஷாலின் அண்ணன் விக்ரம் கிருஷ்ணா இப்படத்தை தயாரிக்கிறார். விஷால் போலீஸ் அதிகாரியாக நடிக்கும் முதல்படம் இது.
'தங்கப்பதக்கம்' சிவாஜி, 'மூன்று முகம்' ரஜினி, 'காக்கி சட்டை' கமல், 'சாமி' விக்ரம், 'காக்க...காக்க' சூர்யா இவர்கள் யார் சாயலும் இல்லாத போலீஸ் அதிகாரியாக வித்தியாசம் காட்ட ரொம்பவே மெனக்கெட்டு வருகிறார் விஷால்.
நயன்தாரா தனியார் தொலைக்காட்சி நிருபராக நடிக்கிறார். படத்துக்கு இசை ஹாரிஸ் ஜெயராஜ்!
|
