அசினை அப்செட்டாக்கும் வதந்திகள்
- 22.02.2007
By JBR
இன்றைய தேதிக்கு ஸ்டெடிகோயிங் நடிகை என்றால் அது அசின்தான். தமிழிலும் தெலுங்கிலும் கணிசமான படங்கள் இவர் கைவசம் இருக்கிறது.
|
|
|
சும்மா வந்து போகும் கதாநாயகிகள் நடுவில் தானொரு வித்தியாசமான நாயகி என்ற பெருமை இவருக்கு உண்டு. 'கஜினி', 'மஜா', 'சிவகாசி', 'போக்கிரி' என நான் நடிக்கிற எல்லா படங்களிலும் எனக்கு முக்கியத்துவம் இருக்கு. சும்மா டூயட் பாடிவிட்டு போகிற ஹீரோயின் இல்லை நான் என்று ஓபனாகவே சொல்கிறார்.
த்ரிஷா நடிக்க மறுத்த பிரகாஷ்ராஜின் 'கள்ளபார்ட்' படத்தில் அசின் நடிப்பதாக ஒரு வதந்தி. இந்தி 'கஜினி' யிலும், தெலுங்கு 'சங்கர்தாதா ஜிந்தாபாத்' திலும் அசின் நடிக்க முயன்று அது முடியாமல் போனதாக வேறு சில வதந்திகள். இதற்கு என்ன சொல்கிறார் அசின்?
"இந்தி 'கஜினி' யில் நடிக்க என்னை கூப்பிடவே இல்லை. அதுமாதிரிதான் 'சங்கர்தாதா ஜிந்தாபாத்' திலும். நீங்க சொல்றதெல்லாம் யாரோ அவங்களாகவே எழுதிகிட்ட நியூஸ். இது மாதிரிதான், நான் அதிகமா சம்பளம் கேட்கிறதா எழுதறாங்க. என்னோட மார்க்கெட் என்னங்கிறதை வச்சு தயாரிப்பாளர்கள் சம்பளம் பேசறாங்க. அது எனக்கு உடன்பாடா இருந்தா நடிக்கிறேன். மத்தபடி நான் அவ்வளவு வேணும் இவ்வளவு வேணும்னு டிமாண்ட் பண்றதில்லை."
இப்போதைக்கு கமலுடன் 'தசாவதாரம்' படத்தில் மட்டும் நடிக்கிறார் அசின். சூர்யாவின் 'வேல்' உள்பட வேறுசில படங்களில் நடிக்க பேச்சு வார்த்தை நடந்து வருகிறது. விரைவில் அவை என்னென்ன படங்கள் என்பதை அறிவிப்பதாக தெரிவித்தார் அசின்.
|
