'லீ'க்குப் பிறகு நீண்ட ஓய்வு எடுத்துக் கொண்ட சிபி அடுத்த ஆட்டத்துக்கு தயார். உடல் இளைத்து, முடி குறைத்து ஆளே அதிரடியாக மாறியிருக்கிறார்.
சிபியின் புதிய படத்தை விஸ்வாஸ் சுந்தர் தயாரிக்கிறார். சுரேஷ் கிருஷ்ணாவிடம் அசிஸ்டெண்டாக இருந்த ராஜூவ் பிரசாத் இயக்குகிறார். சிபிக்கு ஜோடி காம்னா என்று சொல்லப்பட்டது. ஆனால் உறுதியில்லை. கடைசி நிமிடத்தில் காம்னா கழற்றி விடப்படலாம். படத்துக்கு 'வாலி வதம்' என பெயர் வைத்துள்ளனர்.
இதுதவிர அறிமுக இயக்குனர் குணா இயக்கத்தில் ஒருபடம் நடிக்கிறார் சிபி. லக்ஷ்னா ஹீரோயின்.
ஒரே நேரத்தில் இரண்டு படங்களில் ஒப்பந்தமானாலும், வாலி வதமே முதலில் தொடங்கப்படும் என தெரிகிறது. இந்தப் படத்துக்கு தினா இசையமைக்கிறார். விரைவில் படப்பிடிப்பு தொடங்குகிறது.
|
