விஜயகாந்தின் 151-வது படமான இதனை தயாரிப்பவர் யுவஸ்ரீ பிக்சர்ஸ் தங்கராஜ். இவர் 'சுந்தரா டிராவல்ஸ்', 'மீசை மாதவன்' படங்களை தயாரித்தவர். இப்படத்திற்கு ஒரு மாதத்திற்கு முன்பே பூஜை போடப்பட்டாலும், கடந்த 21-ந் தேதியிலிருந்துதான் படப்பிடிப்பு தொடங்கியுள்ளது.

பொள்ளாச்சியில் தொடங்கியுள்ள 'எங்கள் ஆசான்' படப்பிடிப்பு கோபிசெட்டிபாளையம், உடுமலைப்பேட்டை மற்றும் அதனை சுற்றியுள்ள பகுதிகளில் ஒருமாதம் தொடர்ந்து நடத்தப்படவுள்ளது.

'தைப்பொறந்தாச்சு', 'சூப்பர் குடும்பம்' படங்களை இயக்கிய கலைமணி கதை, திரைக்கதை எழுதி இயக்க, வசனத்தை வேலுமணி எழுதியுள்ளார். சபேஷ்முரளியின் இசையில் முத்துலிங்கம், பா.விஜய், சினேகன் பாடல்களை எழுதியுள்ளனர்.