விஷ்ணுவர்த்தன் வேகமானவர் - பூரிக்கும் புன்னகை பூ கீதா
24.10.2005
By: Amalan
ஆரம்பிக்கபோது இளசுகளின் மனசுக்குள் தீப்படிக்க வைக்கும் என்று எதிர்பார்க்கவில்லை. இப்படி பத்தோடு பதினொன்றாக கணக்குப்போட வைத்த 'அறிந்தும் அறியாமலும்' செஞ்சுரி அடித்து நிமிர்ந்து பார்க்க செய்தது.
|
தெரிந்தோ தெரியாமலோ அறிந்தும் அறியாமலும் படத்திற்கு முதல்போட்ட புன்னகை பூ கீதாவின் முகத்தில் இப்போது பூரிப்பின் உச்சம். அந்த தைரியத்தில் 'பட்டியல்' என்ற படத்தையும் தொடங்கிவிட்டார். இதையும் விஷ்ணுவர்த்தனே இயக்குகிறார்.
முதல் படத்தின் வெற்றியை பத்திரிகையாளர்களிடம் பகிர்ந்துக்கொண்ட கீதாவிடம் தொடர்ந்து விஷ்ணுவர்த்தனுக்கே படம் கொடுத்திருக்கீங்களே...? காரணம் கேட்ட நம்மிடம் அவர் சொன்ன விளக்கம்....
"விஷ்ணுவர்த்தனிடம் ஒரு பயர் இருக்கிறது. சொன்ன நேரத்தில், சொன்ன பட்ஜெட்டில் படமெடுப்பதால் அவரை தயாரிப்பாளர்களின் இயக்குனர் என்றே சொல்லலாம். தயாரிப்பாளர்களின் எதிர்பார்ப்பை நூறு சதவீதம் அவர் பூர்த்தி செய்கிறார். அவருடைய வேகம் எனக்கு பிடித்திருக்கிறது" கொஞ்சும் குரலில் கீதா சொல்ல சொல்ல புல்லரித்துவிட்டது விஷ்ணுவர்த்தனுக்கு.
" 'அறிந்தும் அறியாமலும்' படத்தில் வேலை செய்த அதே டீமே 'பட்டியல்' படத்திலும் இணைகிறது. நாயகர்களாக ஆர்யா, பரத், கதாநாயகியாக பூஜா வேஷம் கட்டுகின்றனர்" என்று விளக்கிய விஷ்ணுவர்த்தனிடம் கதை பற்றி கேட்டபோது உஷ்... என்று வாயை மூடி எழுந்தார்.
|
