நடிகை மீரா ஜாஸ்மினுக்கும், மாண்டலின் இசை கலைஞர் ராஜேஷூக்கும் விரைவில் திருமணம் நடக்க இருப்பதாகக் கூறப்பட்டு வருகிறது. இதை இருவருமே இதுவரை மறுக்கவில்லை.
சமீபத்தில் துபாயில் நடந்த சினிமா விருது வழங்கும் விழாவில் இருவரும் ஜோடியாகக் கலந்துகொண்டனர். அடுத்தடுத்த இருக்கையில் கைகளை கோர்த்தபடி அமர்ந்திருந்தனர்.
அங்கு இருவரும் ஒரே ஓட்டலில்தான் தங்கினர். 3 நாட்கள் பல்வேறு இடங்களை சுற்றிப் பார்த்தனர். இதனால் இருவருக்கும் இடையே ஏற்பட்டுள்ள இந்த நெருக்கம் விரைவில் திருமணத்தில் முடியும் என்று கூறப்படுகிறது.
இந்நிலையில் திருவனந்தபுரத்தில் இசை நிகழ்ச்சி நடத்துவதற்காக தனது சகோதரர் ஸ்ரீனிவாசுடன் ராஜேஷ் நேற்று வந்தார். அப்போது திருமணம் குறித்து கேட்டப் போது ராஜேஷ் அளித்த பதில் தாமரை இலை தண்ணீராய் இருந்தது.
"மீரா ஜாஸ்மின் நடிப்புலகில் ஒரு ரத்னம். எனக்கும் அவருக்கும் நெருக்கம் உண்டு. எனது நெருங்கிய தோழி அவர். எனது திருமணம் போன்ற தனிப்பட்ட விஷயங்கள் குறித்து இப்போது வெளிப்படையாக கூற முடியாது. தெய்வ நிச்சயம் போலவே என் திருமணம் நடக்கும்" என்றார்.
|
