ஆரம்பத்தில் இருந்தே நயன்தாராவுக்கு இந்த விஷயத்தில் ஆர்வம் இல்லை. சரியான ஒத்துழைப்பு தரவில்லை. பத்திரிகையாளர் கூட்டத்தை தவிர்த்துவிட்டார். அணியின் அறிமுக நிகழ்ச்சியின்போது அவர் கலந்துகொண்டார் என்றாலும், எல்லாரையும் உற்சாகப்படுத்தவேண்டிய பொறுப்பில் இருந்த அவரே அவ்வளவு உற்சாகமாக இல்லை.

ஐதராபாத்தில் 'குசேலன்' படப்பிடிப்பில் திடீரென மயங்கி விழுந்து ஆஸ்பத்திரியில் சேர்க்கப்பட்டதால் இங்கே நடந்த முதல் போட்டிக்கு நயன்தாரா வர இயலவில்லை என்ற காரணம் நம்பும்படியாக இல்லை. மயங்கி விழுந்து அட்மிட் ஆனவர் 2 மணி நேரத்தில் திரும்பிப்போய் படப்பிடிப்பில் மீண்டும் கலந்து கொள்ள முடிந்தது எப்படி?

நயன்தாரா விலக்கப்பட்டு அந்த இடத்துக்கு த்ரிஷா வருவது குறித்து விஜய் ரசிகர்கள் மத்தியில் பரபரப்பு ஏற்பட்டுள்ளது. "சூப்பர் கிங்ஸ் இனிமேல் கில்லிதான்" என்று ரசிகர் மன்ற நிர்வாகி ஒருவர் குறிப்பிட்டார். த்ரிஷாவின் ரசிகர்களும் கிரிக்கெட் பார்க்க திரண்டு வருவார்கள் என எதிர்பார்க்கப்படுகிறது.