தனியார் நிகழ்ச்சியொன்றில் கலந்து கொண்ட முன்னாள் உலக அழகி ஷங்கரின் 'ரோபோ'வில் நடிப்பதை உறுதி செய்தார். ஐஸ்வர்யாராயை ரஜினியுடன் ஜோடியாக்க ஒவ்வொரு முறையும் முயற்சி நடக்கும்.
'சந்திரமுகி', 'சிவாஜி' படங்களுக்குக் கூட ரஜினி ஜோடியாக நடிக்க ஐஸ்வர்யாராயையே அணுகினர். ஒவ்வொருமுறையும் கால்ஷீட்டை காரணம் காட்டி மறுத்து வந்தார்.
இதனை தனது பேச்சில் குறிப்பிட்டவர், "பலமுறை ரஜினி ஜோடியாக நடிக்க வாய்ப்பு வந்தது. ஆனால், இப்போதுதான் அது கைகூடியிருக்கிறது" என்றார்.
'ரோபோ'வுக்கு ஜோடி கிடைத்தாலும் அதற்குமுன் தொடங்கும் 'குசேலன்' படத்தில் ரஜினிக்கு ஜோடி இன்னும் அமையவில்லை. இலியானாவிடம் கால்ஷீட் கேட்டதற்கு அவர் 'பிஸி' என மறுப்பு தெரிவித்ததால் நயன்தாராவின் கால்ஷீட்டை பெற முயற்சி நடந்து வருகிறது.
|
