பிப்.1 சத்யராஜ், வடிவேலு மோதல்
- 29.01.2008
By JBR
சத்யராஜ், வடிவேலு மோதல் என்பதை, சத்யராஜ், வடிவேலு படங்கள் மோதல் என்று திருத்தி வாசிக்கவும்.
|
ஆனால், உண்மையில் இது இவர்களிடையேயான மோதல் இல்லை வடிவேலு, கவுண்டமணியிடையிலான மோதல்.
கவுண்டமணி 'பீக்'கில் இருந்தநேரம், அவரிடம் சாக்கடை மொழியில் திட்டுகளும் சரமாரியாக உதைகளும் வாங்கியவர் வடிவேலு. இன்று வடிவேலு பன்னிரெண்டுகோடி வியாபாரமுள்ள முன்னணி ஹீரோ. ஆனால், கவுண்டமணி?
பீல்டு அவுட்டான கவுண்டர் மீண்டும் விஸ்வரூபமெடுக்கும் படம் சத்யராஜின் 'தங்கம்'. நீண்ட நெடுங்காலத்துக்குப் பிறகு கவுண்டர் ஷோலோவாக பட்டையை கிளப்பயிருக்கும் படம். "இந்தப் படம் வந்தால் கவுண்டர் அண்ணன் இன்னொரு ரவுண்ட் வருவார்" என்கிறார் சத்யராஜ்.
இப்படி ஆளாளுக்கு பில்டப் கொடுக்கும் 'தஙகம்' பிப்ரவரி ஒன்று வெளியாகிறது. அதேநாளில் கவுண்டரின் ஒன் அண்ட் ஒன்லி எதிரி வடிவேலின் 'இந்திரலோகத்தில் நா. அழகப்பன்' படமும் வெளியாகிறது, காமெடியில் எப்படியும் புயலை புறந்தள்ள வேண்டும் என கையை பிசைந்து காத்திருக்கிறார் கவுண்டர். சரி, புயல்?
நம்ம போட்டியெல்லாம் உச்சநடிகரோடுதான். மத்தவங்க எல்லாம் எட்டதான் நிற்கணும் என்று நக்கலாக உதார் விடுகிறார்.
பார்ப்போம் தாயம் யார் பக்கம்விழுகிறது என்று!
|
