ஜீவாவின் 'சிவன் மனதில் சக்தி'
- 31.01.2008
By JBR
அறிமுக இயக்குனர் ராஜேஷ் இயக்கும் படத்தில் ஜீவா நடிக்கிறார். படத்தின் பெயர் 'சிவன் மனதில் சக்தி'.
|
|
|
ஆனந்த விகடன் தயாரிக்கும் இந்தப் படத்துக்கு 'சந்தியா, மகேஷ் மற்றும் சிலர்' என்று பெயர் வைத்திருந்தனர். ஷக்தி, சந்தியா நடிக்கும் படத்துக்கு ஏறக்குறைய இதேபோல் 'மகேஷ், சரண்யா மற்றும் பலர்' என பெயர் வைத்ததால், குழப்பம் வேண்டாமே என்று 'சிவன் மனதில் சக்தி' என பெயர் சூட்டியுள்ளார்.
இதற்கும் அவர்கள் முதலில் வைத்த பெயருக்கும் ஒரு ஒற்றுமை உண்டு.
'சந்தியா, மகேஷ் மற்றும் சிலர்' என பெயர் வைத்து, அதன் கீழே சுருக்கமாக எஸ்.எம்.எஸ். என சப்-டைட்டில் வைக்க நினைத்திருந்தனர். படத்தின் பெயரை மாற்றினாலும் சப்-டைட்டிலான எஸ்.எம்.எஸ்.ஸை மாற்ற யாருக்கும் மனமில்லை.
அதனால் ராப்பகலாக மண்டையை உடைத்து எஸ்.எம்.எஸ். என சப்-டைட்டில் வைக்க வசதியாக 'சிவன் மனதில் சக்தி' என பெயர் வைத்துள்ளனர்.
டைட்டிலுக்கு இத்தனைதூரம் மண்டையை உடைப்பவர்கள், கொஞ்சம் கதைக்கும் கவனம் செலுத்தினால், கோடம்பாக்கத்தை கும்பிடலாம்!
|
