மம்முட்டிக்கு ஜோடியாக சினேகா நடிக்கிறார். அர்ஜூனுக்கு இன்னும் ஜோடி அமையாமல் இருந்தது. மம்தாவை அர்ஜூன் ஜோடியாக நடிக்க வைக்க முயற்சிகள் நடந்தன. முதலில் ஒப்புக் கொண்டவர் பிறகு முடியாது என்று, பாசிலின் புதிய படத்தில் ப்ருதிவிராஜ் ஜோடியாக கால்ஷீட் கொடுத்துள்ளார்.
நிறைய நடிகைகளை பரிசீலித்து 'நம்நாடு' கார்த்திகாவை அர்ஜூனுக்கு ஜோடியாக ஒப்பந்தம் செய்துள்ளனர்.
'நம்நாடு' படத்துக்கு பிறகு 'பாலி' ஹீரோ ஸ்ரீ ஜோடியாக ஒருபடத்தில் நடிக்கிறார் கார்த்திகா. சேரன் நடிக்கும் 'ராமன் தேடிய சீதை' யில் நான்கு ஹீரோயின்களில் ஒருவராக நடிக்க கார்த்திகாவுக்கு வாய்ப்பு கிடைத்து, கடைசி நிமிடத்தில் சேரனின் ஆஸ்தான ஹீரோயின் நவ்யா நாயரின் வருகையால் அந்த வாய்ப்பு பறிபோனது.
ஹீரோயின் இல்லாமல் இதுவரை வெயிட்டிங்கில் இருந்த அர்ஜூன் சம்பந்தப்பட்ட காட்சிகள் விரைவாக படமாக்கப்பட உள்ளன.
மார்ச்சில் படத்தை வெளியிட திட்டமிட்டுள்ளனர்.
|
