கமலின் பத்து வேடஹ்களை பார்க்கும் நாள் எப்போது? உலகம் முழுவதிலும் உள்ள தமிழ் ரசிக பெருமக்களின் அன்றாட எதிர்பார்ப்பாகிவிட்டது இந்தக் கேள்வி. இந்த மாதம் படத்தை வெளியிட ஆஸ்கார் பிலிம்ஸ் திட்டமிட்ட நேரத்தில் கோர்ட் கேஸ் என்று படத்திற்கு எதிராக எழுந்த குழப்பங்கள் ரிலீஸ் வேலைகளை முடக்கிவிட்டது.
ஒரு வழியாக தசாவதாரத்திற்கு தடையில்லை என நீதிமன்றம் கிரீன் சிக்னல் காட்டிய நிலையில் ரிலீஸ் தேதி இன்னும் முடிவாகவில்லை. அதற்கு காரணம் இன்னும் முடியாமல் இருக்கும் கிராபிக்ஸ் வேலைகள்.
இந்தி, தமிழ், தெலுங்கு என ஒரே நேரத்தில் மூன்று மொழிகளிலும் தயாராவதால் மூன்று மொழிக்கும் சேர்த்து 500க்கும் மேற்பட்ட பிரிண்டுகள் போடும் பணி இரவு பகலாக நடந்து வருகிறது.
இதற்கிடையே தொழில்நுட்ப ரீதியில் சில மாற்றங்கள் செய்யப்பட வேண்டியுள்ளதால் அந்த வேலைகள் எப்போது முடியும் என்பதை இப்போதைக்கு கூறமுடியாத நிலை இருக்கிறதாம்.
எனவே, தயாரி்பபாளர் ரவிச்சந்திரன் ஏற்கனவே அறிவித்தபடி ஜூன் 6-ந் தேதியோ, அதன்பிறகு மாற்றப்பட்ட தேதியான ஜூன் 13-ந் தேதியோ 'தசாவதாரம்' வெளியாகாது என்பது மட்டும் முடிவாகியுள்ளது. ஆக ஜூன் கடைசி அல்லது ஜூலை முதல் வாரத்தில்தான தசாவதாரத்தை தரிசிக்கும் வாய்ப்பு உள்ளது.
|
