* ஸ்டுடியோ க்ரீன் நிறுவனத்தின் சார்பாக தயாரிப்பாளர் K.E. ஞானவேல் ராஜா தயாரிக்கும் படம்.
* உண்மைச் சம்பவத்தினை மையக்கருவாக கொண்டுள்ள இத்திரைப்படத்தினை கிருஷ்ணா இயக்குகின்றார். இயக்குனர் கௌதம் அவர்களின் உதவியாளரான இவர் மின்னலே, காக்க காக்க, கர்ஷனா (தெலுங்கு காக்க காக்க), ரெனா ஹேதேரா தில்மே (ஹிந்தி மின்னலே) ஆகிய திரைப்படங்களில் உதவியாளராக பணிபுரிந்துள்ளார்.
* ஒளிப்பதிவாளர் Rd. ராஜசேகர் இந்தப் படத்தின் மீதுள்ள ஈடுபாட்டினால் இரண்டு படங்களுக்கு ஒளிப்பதிவு செய்யும் வாய்ப்பினை மறுத்து இப்படத்தில் ஒளிப்பதிவாளராக பணியாற்றியுள்ளார்.
* காக்க காக்க, கஜினி என இரண்டு வெற்றிப்படங்களை தொடர்ந்து சூர்யா, Rd. ராஜசேகர் இணைந்து பணியாற்றும் மூன்றாவது படம் இது என்பது குறிப்பிடத்தகுந்தது.
* இசைப்புயல் ஏ.ஆர். ரஹ்மான் இப்படத்திற்காக ஏழு பாடல்களுக்கு இசையமைத்துள்ளார்.
* சூர்யா, ஜோதிகா சம்பந்தப்பட்ட பாடல் காட்சி ஒன்றுக்கு 1300 துணை நடிகை, நடிகர்கள் மற்றும் கரகாட்டம், ஒயிலாட்டம், மயிலாட்டம், சிலம்பாட்ட கலைஞர்கள் பயன்படுத்தப்பட்டுள்ளனர்.
* கோவை நகரின் மையத்தில் பிரமாண்டமான Foot Ball Stadium அமைக்கப்பட்டு 300 மாடல்கள், 500 துணை நடிகர் நடிகைகள் பங்குபெற்ற கால்பந்து போட்டியினை அதி நவீன படப்பிடிப்பு கருவிகளைக் கொண்டு படம்பிடிக்கப்பட்டுள்ளது.
